Ամերիկյան Apple տեխնոլոգիական ընկերությունը մտադիր է ապրիլին ներկայացնել 13 դյույմ անկյունագծով MacBook Air նոութբուքի առավել մատչելի տարբերակը, ինչի մասին հայտնել է ընկերության նոր արտադրանքների գծով փորձագետ Մին Չի Կուոն:

Ինչպես նշում է The Daily Mail-ը, ներկայում MacBook Air-ն արժե 999 դոլար:

Հայտնի է, որ Apple-ի առաջին MacBook Air-ը ներկայացվել է 10 տարի առաջ՝ Սթիվ Ջոբսի կողմից: Այն ժամանակ սարքը որակվել էր որպես աշխարհում ամենաբարակ նոութբուք:

Ենթադրվում է, որ սեպտեմբերին Apple-ը կցուցադրի միանգամայն նոր MacBook Air:

Աղբյուրը նկատում է, որ ընկերությունն իր բոլոր գլխավոր մոդելները, որպես ավանդույթ, ներկայացնում է աշնան առաջին ամսին: