Բրիտանացի ֆիզիկոս Սթիվեն Հոքինգի համոզմամբ՝ ներկայում մարդկությունն ապրում է մոլորակի համար «ամենավտանգավոր» ժամանակահատվածում, ինչի մասին անվանի գիտնականն ասել է The Guardian պարբերականի համար գրված սյունակում: Հոքինգն ընթերցողների ուշադրությունը հրավիրել է այն փաստի վրա, որ ներկայում աշխարհում առավել քան երբևէ արտահայտված է տնտեսական անհավասարությունն էլիտայի ու միջին խավի միջև: Գիտնականն ահազանգել է, որ տեխնոլոգիական առաջընթացի, արտադրական գծի ռոբոտացման հետևանքով էլիտային հաջողվում է մեծ շահույթ ստանալ՝ աշխատանքի ընդունելով շատ քիչ թվով աշխատողների: «Սա առաջընթացն է, որը թեպետ անխուսափելի է, սակայն սոցիալապես քայքայիչ ազդեցություն է ունենում»,- նշել է գիտնականը, ում կարծիքով՝ տեխնոլոգիական առաջընթացը լուրջ մարտահրավերներ է նետում մարդկությանը: Ըստ Հոքինգի՝ դրանց հաջող դիմակայելու համար ռեսուրսների մեծ մասն իրենց ձեռքերում կենտրոնացրած իշխանությունները (խոսքը վերաբերում է ամբողջ աշխարհին) պետք է օգնեն աշխատավոր դասին, ֆինանսապես աջակցեն նրանց, քայլեր ձեռնարկեն գլոբալ զարգացման համար:

Մամուլի ազատականացմամբ հնարավոր դարձավ հասարակության մութ ու ցավոտ հարցերի լուսաբանումը, նրանց մասին սկսեցին խոսել որպես իրողություն՝ ժխտելով մեր հասարակության մասին եղած կաղապարված պատկերացումները։ Այդպիսի մութ ու դժվար խնդիրներից մեկը *****ության տարածումն է։ Տարիների ընթացքում զանգվածային լրատվության միջոցների համար սա փակ թեմա էր։ Չէին խոսում՝ ստեղծելով տպավորություն, թե մեզ մոտ նման խնդիր չկա։ Վերջին շրջանում հայկական մամուլում տպագրվեցին այս հարցի վերաբերյալ բազմաթիվ հոդվածներ։ Հարցի լուսաբանման նման ալիք մի ժամանակ կար ռուսական մամուլում, բայց ի տարբերություն նրանց, մեզ մոտ նկատվում է 2 ուղղություն. ա) իրականության ոչ ամբողջական կան ներկայացում, բ)