| Յուրաքանչյուր տարին իր հետ
բերում է նորաձեւության նոր
միտումներ ինչպես ոճերի,
այնպես էլ գույների առումով:
2015 թվականը բացառություն
չէ: Օձի տարում նորաձեւ
գույները խիստ հակադրության
մեջ են` սկսած վառ գույներից
մինչեւ բաց, պաստելային
գույներ:
Pantone ընկերությունը, որի
կենտրոնակայանը
տեղակայված է Նյու Ջերսիում,
ներկայացրել է 2015 թվականի
նորաձեւ գույների ցանկը, որն
ընդգրկում է հետեւյալ գույների
հաջորդականությունը`
կարմիր, զմրուխտյա կանաչ,
խամրած կապույտ,
կիտրոնագույն, բաց
երկնագույն, մուգ կապույտ,
դեղնականաչ, աֆրիկյան
մանուշակագույն, բաց
նարնջագույն, սպիտակ:
Կարմիր: Այս գույնը մշտապես
նորաձեւ է եղել եւ գրավիչ
հատկապես խնջույքների եւ
բարձրաշխարհիկ
երեկույթների ժամանակ:
Հաշվի առնելով այն
հանգամանքը, որ կարմիրը
յուրահատուկ տեսք է
հաղորդում` աշխարհահռչակ
շատ ապրանքանիշներ իրենց
հավաքածուներում ներառում
են այս գույնի հագուստներ:
Հատկանշական է Gucci
ապրանքանիշի կողմից
առաջարկված Գարուն-Ամառ
2015 հավաքածուն, որում
առանձնահատուկ տեղ ունեն
մուգ կարմիր զգեստները:
Զմրուխտյա կանաչ: Այս գույնի
հագուստները հատկապես
հաճելի է կրել ամառային եւ
վաղ աշնանային
եղանակներին: Այս գույնը
կանացիություն եւ
նրբագեղություն է հաղորդում:
Զմրուխտյա կանաչ գույնն,
օրինակ, Erdem ապրանքանիշի
կողմից ներկայացված
Նախաաշուն 2015
հավաքածուի հիմնական
գույնն է: Վերջինս նորաձեւ է
հատկապես այն առումով, որ
որպես տարվա խորհրդանիշ`
այն ներկայացնում է օձի մաշկի
նախշերի գույնը:
Մուգ կապույտ: Այս գույնի
զգեստներն առավել
հարմարավետ են
երեկույթներին կրելու համար:
Մուգ կապույտ զգեստով կինը
միանգամից կարող է աչքի
ընկնել ամբոխի մեջ: Gucci
ապրանքանիշի կողմից
առաջարկված տեսականիում,
օրինակ, գրավիչ են էլեկտրիկ
կապույտ հագուստները:
Կիտրոնագույն: Այս էկզոտիկ եւ
ոչ այնքան տարածված գույնն,
այնուամենայնիվ, 2015
թվականի նորաձեւ գույներից է:
Թեեւ համաշխարհային
ապրանքանիշները այնքան էլ
մեծ տեղ չեն տվել այս գույնին,
կիտրոնագույնը կարելի է
հանդիպել շատ ու շատ
զգեստապահարաններում:
Սեւ, սպիտակ, դեղին: Կարելի է
նշել, որ սեւ եւ սպիտակ
գույները երբեք
նորաձեւությունից դուրս չեն
գալիս: Դրանք պրակտիկ են թե
երեկոյան զգեստների առումով,
թե ամենօրյա հագուստներում:
Օրինակ` Roberto Cavalli-ի
Նախաաշուն 2015
հավաքածուում աչքի են
ընկնում հենց այս գույները:
Եթե ցանկանում եք նորաձեւ
տեսք ունենալ, ապա ձեր
զգեստապահարաններում
պետք է գտնվեն այս գույների
հագուստներ:
|
