BBC-ն հայտնում է, որ Translator ծառայությունը թույլ է տալիս իրական ժամանակի ռեժիմում խոսակցության ընթացքում թարգմանել կենդանի խոսքը: Պաշտոնական հաղորդագրության համաձայն` ծառայությունը մատչելի է լինելու 6 լեզուներով` անգլերեն, ֆրանսերեն, գերմաներեն, իտալերեն, չինարեն, իսպաներեն: Առաջիկայում նախատեսվում է մինչև 50 լեզուներով թարգմանություն ապահովել: Առաջիկա մի քանի շաբաթներին նոր ֆունկցիան կհայտնվի Windows-ով պլատֆորմներում:
3 . Apple-ը «խելացի» մատանի է արտոնագրել: Ամերիկյան Apple տեխնոլոգիական ընկերությունը դիմել է ԱՄՆ-ի արտոնագրային բյուրո` Apple Ring «խելացի» մատանու տեխնոլոգիան արտոնագրելու նպատակով։ Ինչպես նշում է ria.ru-ն, արդեն գրանցված արտոնագրում ասվում է, որ «օգտատիրոջ մատը զարդարող սարքը համալրված է լինելու էկրանով ու բարձրախոսով» ։ Հայտնի է, որ մի շարք զգայակների միջոցով համալրված սարքը գործելու է սմարթֆոնի հետ փոխկապակցված։ Apple-ի ներկայացուցիչների խոսքերով՝ «խելացի» մատանին արդյունավետ կլինի այն դեպքում, երբ օգտատիրոջ ձեռքերը հոգնած են կամ ավելի մեծ գաջեթի օգտագործումն անհարմար է։ Աշնանային խոնավ եղանակը սարերի հետևում չէ, ուստի՝ շուտով տնային տնտեսուհիները կրկին բախվելու են թաց հագուստը փռելու ու այն չորացնելու խնդրին։ Ինչպես նշում է The Daily Mail-ը, բրիտանացի մասնագետները հատուկ նման իրավիճակի համար ստեղծել են հեղափոխական չորացուցիչ, որը ոչ միայն տան պայմաններում կատարյալ չորացնում է հագուստը, այլև «արդուկում» այն։ DriBuddi կոչվող նորարարական սարքն աշխատում է այնպիսի «խելացի» տեխնոլոգիայով, որը հագուստը չորացնելու ժամանակ վերացնում է նաև դրա ճմռթվածությունը։ Արդյունքում՝ տնային տնտեսուհիները հավաքում են միանգամից «արդուկված» լվացք։ Աղբյուրը մանրամասնում է, որ չորացուցիչն իր մեջ միանգամից տեղավորում է 18 կտոր հագուստ, որոնք անթերի չորացվում ու «արդուկվում» են 2 ժամում։ | |
|
| |
| Դիտումներ: 15727 | |
| Մեկնաբանություններն ընդամենը՝: 0 | |