Թեփոտվող  մաշկ ունեցողները պետք է հնարավորին չափ շատ   


օգտագործեն A վիտամին և ճարպ պարունակող սննդամթերքներ:  

Բացի դրանից, պետք է մշտապես խնամեն դեմքի մաշկը:

Ամեն երեկո դեմքն անհրաժեշտ է լվանալ կաթով, քսել կաթնասեր, իսկ որոշ ժամանակ անց բամբակը թաթախել ձեթի մեջ ու դրանով մաքրել դեմքը: Քնելուց առաջ դեմքը մաքրել անձեռոցիկով:

Դեմքի մաշկը խնամելու լավ միջոց է ձեթը ձվի դեղնուցով: Դեմքին քսել ձեթի հաստ շերտ, վրան՝ ձվի դեղնուց, թողնել 15 - 20 րոպե և լվանալ գոլ ջրով:

Վարդը պարունակում է եթերային յուղ, որն ամրապնդում է մաշկը: Եռացող ջրի վրա դնել վարդի թերթիկներով լցված մաղը և նրա գոլորշու վրա պահել դեմքը:

Մաշկը կթարմանա, եթե այն սրբեք սառույցի կտորով: Նախընտրելի է, որ սառույցը պատրաստված լինի որևէ դեղաբույսի` անանուխի, երիցուկի, լորենու ծաղիկների, եղեսպակի եփուկից: Նշված բույսերից որևէ մեկից վերցնել 1 ճաշի գդալ, 15 րոպե եռացնել կես լիտր ջրով, թողնել 1 ժամ, հետո քամել և դնել սառնարան:

Շատ օգտակար է դեմքը սրբել մածնով, կաթով: Մաղադանոսը օժտված է հակաբորբոքային, հանգստացնող հատկությամբ: Օգտակար է գերզգայուն մաշկի համար:

Սամիթի եփուկը հարթեցնում, թարմացնում է չոր, անհարթ մաշկը:

Արևածաղկի սերմերում և ընձյուղում կան շատ օգտակար նյութեր, որոնք նպաստում են խոլեստերինի քանակության իջեցմանը արյան մեջ:
Ամերիկացի գիտնականները ուսումնասիրել են մոտ 30 տեսակ ընկույզներ և սերմեր, որպեսզի պարզեն, թե ամենաշատ օգտակար նյութերը որ պտուղներում են:Հետազոտությունների  արդյունքում պարզվեց, որ քնջութի սերմիկները ամենաօգտակարն են մարդու համար, երկրորդ տեղում են ամենատարածված արախիսի հատիկները և արևածաղկի սերմերը, ամենավերջին տեղում են, որքան էլ զարմանալի է, բրազիլական և հունականընկույզները: