Այս հրաշք բաղադրատոմսը կօգնի շատ արագ մաքրել օրգանիզմը տոքսիններից և  բարելավելով նյութափոխանակությունն՝ ազատվել ավելորդ քաշից;

Այս ըմպելիքի պատրաստման համար անհրաժեշտ է կտավատի փոշու սերմ և կեֆիր: Ընդամենը երեք շաբաթ դուք լիարժեք կմաքրեք օրգանիզմն ու կնիհարեք, հարկավոր է ընդամենը 3 շաբաթ նախաճաշի փոխարեն օգտագործել հետևյալ բաղադրատոմսը:

Առաջին շաբաթ` 1 թեյի գդալ կտավատի փոշի` 100 գրամ կեֆիրի հետ խառնած,

Երկրորդ շաբաթ` 2 թեյի գդալ կտավատի փոշի` 100 գրամ կեֆիրի հետ խառնած,

Երրորդ շաբաթ` 3 թեյի գդալ կտավատի փոշի` 100 գրամ կեֆիրի հետ խառնած:

Թեփի դեմ առաջարկվող շամպունները միշտ չէ, որ տալիս են սպասված արդյունքը, այդ պատճառով մի մոռացեք տնային միջոցների մասին:

1. Բաժակի մեջ լցրեք 2 ձու, ավելացրեք 2 ճաշի գդալ ջուր: Թրջեք մազերը տաք ջրով, որից հետո քսեք ստացված հեղուկը և 10-15 րոպե մերսեք: Այս հեշտ միջոցը կօգնի արագ ազատվել ոչ միայն թեփից, այլև շատ խնդիրներից:

2.  Եղինջի եփուկը լավ փափկեցնում է գլխի մաշկը, կանխում թեփի առաջացումը: Եթե ամեն օր մազերը լվանաք եղինջի եփուկով, ապա մի քանի օր կազատվեք թեփից:

3.  Կիտրոնի կեղևի եփուկը նույնպես արդյունավետ միջոց է: Դրա համար 4 կիտրոնի կեղևը եփեք մեկ ժամ, ապա պարբերաբար քսեք մազերին: Արդյունքը կլինի այն, որ երկար ժամանակ կմոռանաք թեփի մասին:

4.  Եթե թեփի առաջացման պատճառը A վիտամինի պակասն է, ապա դրանից կարող եք ազատվել օրական մեկ բաժակ գազարի հյութ խմելով:

5.  Տաք ձիթապտղի կամ կտավատի յուղը նույնպես կօգնեն ազատվել թեփից: Շաբաթվա ընթացքում քնից առաջ գլխի մաշկը մերսեք այդ յուղերից մեկով և քնեք: Գլուխը լվացեք միայն առավոտյան: 

Ըմպելիք «Մասուր»
Երկու գավաթ մասուրի թունդ թուրմը խառնել նույն քանակությամբ վերցրած կեֆիրի հետ, ավելացնել շաքարավազ ըստ ճաշակի: Մատուցել անմիջապես:

Ըմպելիք«Անտառային»
200 գրամ թարմ և 50 գրամ չորացրած մասուրը ճզմել, ավելացնել երեք բաժակ եռացրած ջուր և փակ կափարիչով կաթսայի մեջ թողնել մեկ ժամ: 300 գրամ անտառային մորին լվանալ, մաքրել պոչերից, անցկացնել մաղով, խառնել մասուրի թրմի հետ և ըստ ճաշակի համեմել շաքարավազով: Սառեցված ըմպելիքը մատուցել կերամիկական գավաթներով:

Մասրենուպտուղներիցըմպելիք
Քառորդ կիլոգրամ մասրենու պտուղները լվանալ, երկարությամբ կտրվածք անել, մաքրել սերմերը, տրորել և ավելացնել եռացրած ջուր: Եռացնել փակ կափարիչով կաթսայի մեջ և ապա տրորել: Ավելացնել չորս ճաշի գդալ մեղր, խառնել և սառեցնել: Մատուցել բարձր գավաթներով՝ յուրաքանչյուրի մեջ գցելով կերակրի սառույցի մեկական կտոր:

Ըմպելիք«Օրիգինալ»
Երեք բաժակ ջուրն եռացնել և սառեցնել: Երկուսից երեք ճաշի գդալ մասուրի խյուսը լուծել ոչ մեծ քանակությամբ սառը ջրում, այնուհետև խառնել մնացած ջրին: Մատուցելուց առաջ գավաթը լցնել պահածոյացված անանասով և հյութի հետ միասին խառնել: Մատուցել բարձր պնակներում՝ կերակրի սառույցի կտորներով:

Ըմպելիք«Առողջություն»
 Մեկ ճաշի գդալ մասուրը ջրով լվանալ, ավելացնել մեկ բաժակ եռացրած ջուր, եռացնել և 15 րոպե թողնել փակ անոթի գոլորշու մեջ: Քամել, մասուրի պտուղների վրա ավելացնել մեկ բուռ խնձորի չորացրած կեղև, իսկ պատրաստի ըմպելիքի մեջ՝ երկու ճաշի գդալ մեղր: Ըմպելիքն օգտակար է, երբ խմում են գիշերը:

Ամառը սպասված ժամանակաշրջան է բոլորիս համար:  Ակամայից հիշում ես հետեւյալ տողերը. «Ո՞ւր գնա Թամարը այս տարվա ամառը»: Ամեն դեպքում, ի՞նչ ամառային հանգիստ՝ առանց լողի: Ձանձրույթ է միայն:Հատկապես, երբ արևն այրում է, լճի կամ գետի սառը ջուրը մեզ կանչում է, ասես հրավիրում թաթախվելու: Սուզվել եւ լողալ... դա լավ է, անգամ օգտակար, բայց մանրուքները, որոնց մասին երեխաներն ու մեծահասակները հաճախ մոռանում են, կարող են փչացնել ոչ միայն ամբողջ հաճույքը, այլեւ արձակուրդը:
Ջրի մոտ գտնվելու գլխավոր պատվիրանն ասում է` ծանծաղուտը չիմանալով մի՛ մտիր ջուրը:
Երեկվա մարդաշատ լողափն այսօր կարող է մահացու վտանգ ներկայացնել:
Նախքան լողալը, հատկապես, եթե ձեզ հետ փոքրիկ երեխաներ կան, մի՛ զլացեք լրացուցիչ անգամ ստուգել լճի կամ գետի հատակը: Դա ձեզ զերծ կպահի բազմաթիվ տհաճություններից:
Եթե լողալ չգիտեք, չափից դուրս մի վստահեք փչովի ներքնակներին, մեքենայի անվադողերին եւ ձեռքի տակ գտնվող այլ լողամիջոցներին: Նախ` ամենաանհարմար պահին դրանք կարող են պայթել, եւ ապա՝ ջրի հոսքը կամ քամին կարող են ձեզ ափից հեռու տանել, իսկ ծովում` ավելի հեռու:
Լողն օգտակար է միայն առողջ մարդկանց, այս իսկ պատճառով խորհրդակցեք բժշկի հետ` արդյո՞ք ձեզ թույլատրվում է լողալ: Օրվա ընթացքում լողալու լավագույն ժամերն են առավոտյան 8-10-ը եւ երեկոյան 17-19-ը: Ուտելուց հետո լողալ կարելի է միայն 1-1.5 ժամ անց:
Լավ լողալ իմանալը ջրի մոտ լավ հանգստի կարեւոր երաշխիքներից մեկն է, սակայն հիշեք, որ նույնիսկ լավ լողորդը պետք է զգույշ լինի, պահպանի կարգուկանոնը եւ խստորեն հետեւի ջրում գտնվելու կանոններին:
Լողալուց առաջ հարկ է հանգստանալ, խորհուրդ չի տրվում ջուրը մտնել բարկացած ժամանակ:
Ափից շատ մի՛ հեռացեք, մի՛ անցեք նախազգուշացնող նշանները: Լողացեք դրա համար հատուկ նախատեսված եւ սարքավորված տեղերում:
Ոչ մի դեպքում առանց վերահսկողության ջրի մոտ մի թողեք փոքրիկ երեխաներին: Անգամ ոչ խորը տեղերում միշտ նրանց կողքին եղեք:
Անկանխատեսելի  իրավիճակներ
Հորձանուտի մեջ ընկնելով` խուճապի մի՛ մատնվեք, թոքերի մեջ ավելի շատ օդ հավաքեք, ավելի խորը սուզվեք ջրի մեջ եւ, ոտքերն ու ձեռքերը կտրուկ շաժելով, ջրապտույտից մի կողմ լողացեք, թեեւ կարծում ենք, որ հորձանուտների սպառնալիքը խիստ չափազանցված է, եւ դրա մեջ ընկնելը շատ քիչ հավանական է:
Ջրում դժբախտ պատահարից խուսափելու համար լողալուց առաջ մի՛ մոռացեք ձեզ հետ գնդասեղ վերցնել: Այն ձեզ կօգնի, եթե ջրում ջղակծկումներ սկսվեն, դրանով պետք է թեթեւակի ծակել այդ հատվածը:
Եթե մարդ է խեղդվում
Իսկույն բարձրաձայն օգնության կանչեք. «մարդ է խեղդվում»
Խնդրեք կանչել փրկարարներին եւ «շտապ օգնության» ծառայություն
Խեղդվողին փրկարար օղակ նետեք, որի ծայրին երկար պարան է հանգուցած:
 ՊեՏՔ  Է  ԻՄԱՆԱԼ
Արեւից պաշտպանող քսուքները չեն պաշտպանում արեւի մուտագեն ճառագայթներից: Դրանք վերացնում են արեւայրուկը` բնական հովանոցը, որի միջոցով մաշկը փորձում է պաշտպանվել մարմնի մեջ ներթափանցող արեւի ճառագայթներից (մուգ գույնը ճառագայթները կլանում է մակերեսին եւ խոչընդոտում է մաշկի ավելի խոր շերտեր ներթափանցելուն):
Ծովափնյա ճիշտ հանդերձանքը, ամենայն հավանականությամբ, մեծամասնությանը կթվա վայրենություն, անհեթեթություն: Այդուհանդերձ, դա թեթեւ, բամբակյա տաբատն է, երկարաթեւ բլուզը, ծղոտե գլխարկը: Ամռանն անհրաժեշտ է կրել վուշե եւ բամբակյա ազատ հագուստ: Բարակ, կիպ գործվածքը մարմնի եւ կտորի միջեւ չի ստեղծում անհրաժեշտ օդային շերտը, եւ արեւի ամբողջ տաքությունն անցում է հա-գուստի տակ: Ի դեպ, նույն ջերմային արդյունքն է ստեղծում նաեւ թաց կտորը, լողազգեստը:
Արեւի ճառագայթները ջրի տակ ներթափանցում են 1մ-ի չափով, այնպես որ ջրի տակ այրվելը նույնքան հեշտ է, որքան դրա մակերեսին: Ջրի կաթիլներն աշխատում են ուլտրամանուշակագույն ճառագայթները ձգող յուրօրինակ լինզաների պես: Լողալուց հետո արեւի տակ չորանալով` մենք այրվում ենք շատ ավելի արագ: Մտածեք ուսերը փակ լողալու գաղափարի շուրջ եւ չորացեք ստվերում: