«Մերժվածը» հեռուստասերիալի դերասանուհի Ռամաշի Դեսայը  Հայաստանում  հայտնի է դարձել Տապասիայի կերպարը մարմնավորելու արդյունքում: Նա նաև այլ հեռուստասերալներում է նկարահանվում, սակայն այդքան էլ մեծ հաջողություն չի ունենում: Հիմա Ռամաշին նկարահանվում է  Dil Se Dil Tak հեռուստասերիալում, որի դերասանները դեմ են դուրս եկել նրան ու չեն շփվում դերասանուհու հետ:

Ինչպես հայտնում է India.com-ը՝ նույնիսկ հեռուստասերիալի գլխավոր դերասան Սիդհարթ Շուկլան չի ցանկանում շփվել Ռամաշիի հետ: Նկարահանման հրապարակում ու այլ հավաքներին նա նախընտրում է հեռու գտնվել դերասանուհուց, թեև կադրում նրանք բավականին ջերմ հարաբերություններ ունեն:

«Ռամաշին ու Սիդհարթը չեն կարողանում լեզու գտնել իրար հետ, քանի որ Ռամաշին շատ կամակոր է: Դա սկսում է երևալ նույնիսկ կադրում: Սիդհարթը միակը չէ նկարահանման հրապարակում, որ խուսափում է Ռամաշիի հետ շփվել»,- ասել է նկարահանող խմբի անդամներից մեկը:

Նշենք նաև, որ որոշ ժամանակ առաջ երկրպագուները համոզված էին, որ Ռամաշին ու Սիդհարթը ոչ միայն կոլեգաներ են, այլև սիրավեպ ունեն: Տարբեր աղբյուրներ հայտնում էին, որ Ռամաշին շատ է դուր եկել Սիդհարթին, ու նրանք շատ ժամանակ են անցկանցում միասին:  Դերասանները հերքում էին այդ տեղեկությունները։ Հիմա նրանց միջով ինչ–որ սև կատու է անցել։

Google ընկերության Android օպերացիոն համակարգի առաջատար ծրագրավորող Էնդի Ռուբինը ներկայացրել է պրեմիում դասի իր սեփական սմարթֆոնը:

Ինչպես նշում է BBC-ն, Google-ից Ռուբինը հեռացել է 2014-ին և հիմնադրել է Playground ընկերությունը, որն զբաղվում է նոր տեխնոլոգիաներում ներդրումներ անելով: Մասնավորապես, այն ֆինանսավորում է Essential ընկերությունը, որն արդեն թողարկել է իր առաջին արտադրանքը` Essential Phone սմարթֆոնը:

Սմարթֆոնը, որն աշխատում է Android օպերացիոն համակարգով, ԱՄՆ-ում վաճառքում է հայտնվել` 699 դոլարով:

Փորձագետների կարծիքով` նորագույն սմարթֆոնը դժվարությունների կհանդիպի արդեն իրենց ուրույն տեղը գրաված սմարթֆոնների շուկայում: Վերլուծական ընկերության տվյալներով` ներկա պահին բջջային հեռախոսների շուկայում իշխում է Samsung-ը, որին բաժին է ընկնում համաշխարհային վաճառքի 21 տոկոսը, մինչդեռ Apple-ի ցուցանիշը կազմում է 14 տոկոս:  

Motorola բրենդը պաշտոնապես ներկայացրել է Moto Z2 Play սմարթֆոնը, որի վաճառքը պետք է մեկնարկի այս տարվա ամռանը: Այս մասին հայտնում է The Verge-ը:
 

Նշվում է, որ նորույթը հագեցած է 5,5 դյույմանոց Full HD թողունակությամբ AMOLED դիսփլեյով և Snapdragon 626 պրոցեսորով:
 

Աղբյուրի հաղորդմամբ՝ նորույթն ունի 3/4 ԳԲ օպերատիվ և 32/64 ԳԲ ներկառուցված հիշողություն: Այն հագեցած է 12 մեգպիքսել թողունակությամբ հիմնական և 5 մեգապիքսել թողունակությամբ դիմային տեսախցիկով:
 

Հայտնի է, որ նորույթն աշխատում է Android 7.1.1 օպերացիոն համակարգով: Ապրանքի արժեքը 500 ԱՄՆ դոլար է: