Գերմանիայի խորհրդարանի առաջ հայ երիտասարդները, երգով, պարով ու ծափողջյուններով ողջունեցին Հայոց ցեղասպանության մասին բանաձեւի ընդունումը: Բունդեսթագի շենքի առջեւ ծածանվում են հայկական, հունական, ասորական եւ քրդական դրոշները: «Մենք բոլորս հայ ենք »,- բացականչում են քրդերը: Հայ երիտասարդները բացականչում են՝ եղբայրություն, արդարություն եւ հայրենասիրական երգեր երգում:

Հայաստանում ոչինչ չի փոխվի քանի դեռ կոռուպցիայի դեմ պայքարից խոսում է կոռուպցիոները, կաշառք բաժանելու և ընտրակեղծարարության դեմ խոսում են կաշառաք բաժանողը, վերցնողը և ընտրակեղծարարը, օրենքից խոսում են քրեական տարրերը։ Քանի դեռ գողականն ու պետականը խառնված են իրար, անթույլատրելի է խոսել պետակաշինության մասին։ Չկան ռոլ մոդելներ, չկա ձևավորված էլիտա թե քաղաքական և թե մշակութային, ովքեր կլինեին ուղենիշ հասարակության համար։ Կա այն ինչ կա՝ ռաբիզ, քծնանք, զնաչոկավորներ, վերադասի կողմից նկատվելու և խրախուսվելու համար սոցիալական ցանցերում իրենց պատռողներ և անսկզբունք մարդիկ, կաշառք վերցնող և անմիջապես հետո բողոքող հասարակություն, ով բողոքում է, բայց իրեն ամենինչ դուր է գալիս։ Հասարակություն, որը չի սիրում ոչինչ անել այլ սպասում է դա անեն ուրիշները և ինքը վայելի դրա հաղթական պտուղները։ Ի սպառ բացակայում գործող ամենինչին առաջարկվող իրական այլընտրանք և դրա համար ունենք այն ինչ ունենք և արժանի ենք դրան։

 

Փարիզի քաղաքապետ Անն Իդալգոն  հայտարարել է քաղաքի հյուսիսային մասում ներգաղթյալների համար նախատեսված ճամբար կառուցելու ծրագրերի մասին: 

Ինչպես տեղեկացնում է The Telegraph-ը` դա կլինի քաղաքապետարանի կողմից հաստատված առաջին նախագիծը Ֆրանսիայի մայրաքաղաքում փախստականների և ներգաղթյալների ճամբար կառուցելու մասին: Այն նախատեսվում է բացել մեկ ամսից:

Փարիզի քաղաքապետը երեքշաբթի կայացած ասուլիսում նշել է, որ ճամբարը կհամապատասխանի ՄԱԿ-ի կանոնակարգին:

Անն Իդալգոյի խոսքով` ճամբարը ներգաղթյալների համար կծառայի որպես ցերեկային կենտրոն, սակայն նաև կացարան կդառնա նրանց համար, ովքեր գնալու տեղ չեն ունենա:

 

 

Ավստրալական Walk Free Foundation հասարակական կազմակերպությունը մայիսի 31-ին հրապարկել է «Ստրկության համաշխարհային ինդեքս» (Global Slavery Index) հերթական ամենամյա զեկույցը: 

Ինչպես ասվում է զեկույցում` շուրջ 45.8 մլն մարդ ողջ աշխարհում հայտնվել է ժամանակակից ստրկության ճիրաններում, որը մեկ երրորդով ավելին է, քան երկու տարի առաջ էր գնահատվել:

Ըստ զեկույցի` Հնդկաստանում ապրում են  ամենամեծ  թվով «ստրուկները»` 18.35 մլն մարդ, որին հաջորդում է Չինաստանը` 3.39 մլն-ով և Պակիստանը` 2.13 մլն-ով:

«Ստրկության համաշխարհային ինդեքս» զեկույցը կազմելիս հետազոտություն է իրականացվել աշխարհի 167 երկրում:

 

 

Google որոնողական համակարգի Google Translate թարգմանչական հավելվածը թարմացվել է, ինչի շնորհիվ այժմ ավելի է հեշտացել օտար լեզվով շփումը նամակագրության ընթացքում։
 

Ինչպես նշում է The Telegraph-ը, Android օպերացիոն համակարգի հիմքով գործող սմարթֆոնների համար նախատեսված նոր գործառույթը թույլ է տալիս օգտատերերին վայրկենապես թարգմանել օտար լեզվով արտահայտությունը կամ նախադասությունը` առանց հաղորդագրային ծառայությունից` օրինակ` WhatsApp-ից կամ Facebook Messenger-ից դուրս գալու:

 

Նախկինում օգտատերերը ստիպված էին դուրս գալ հաղորդագրային հավելվածից, մտնել Google Translate ու փնտրել անհրաժեշտ թարգմանությունը, հետո նորից վերադառնալ հաղորդագրային հավելված: Իսկ այժմ բավական է միայն նշել թարգմանության կարիք ունեցող հատվածն ու սեղմել «թարգմանել» կոճակը:

 

Հարավկորեական Hyundai մեքենաշինական ընկերության մասնագետները ստեղծել են  ռոբոտային արտակմախք, որը կարելի է կրել ինչպես, օրինակ, «Երկաթե մարդու» «հագուստը»:

 

Ինչպես նշում է theverge.com-ը, H-LEX անվանումը ստացած նորույթի հեղինակների համաձայն՝ ռոբոտային արտակմախքն իր կրողին հաղորդում է հավելյալ ուժեր` թույլ տալով բարձրացնել հարյուրավոր կգ քաշ ունեցող առարկաներ:
 

Մասնագետների կարծիքով՝ նման արտակմախքները կիրառելի կարող են լինել գործարաններում կամ բանակում:

 

Աղբյուրը մանրամասնում է, որ Hyndai-ն ռոբոտային արտակմախքների վրա աշխատող միակ ընկերությունը չէ: Panasonic, BMW, Audi ընկերությունները ևս զբաղվում են դրա ստեղծմամբ:

 

 

Գերմանական e-Volo  ընկերությունը Volocopter անունը կրող սարք է ստեղծել, որը կարող է փոխարինել քաղաքային տրանսպորտային միջոցներին:

 

Ինչպես գրում է Tech insider-ը`  թռչող սարքը օդային տաքսու օրինակ է, ու այն սովորական երևույթ կդառնա տարիներ հետո:

Էլեկտրական  Volocopter-ը 18 պտտվող տուրբինով և օդով կարող է թռչել չափազանց հանգիստ: Այն նախատեսված է 2 ուղևորի համար:

Սարքն աշխատում է 6 մարտկոցով և ապահովում է 20 րոպեանոց թռիչք, սակայն ընկերությունն աշխատում է թռիչքի ժամանակը երկարաձգելու և մեկ ժամի հասցնելու ուղղությամբ:

 

Նախատեսվում է, որ Volocopter-ի վերջնական տարբերակը ունակ կլինի 100 կմ/ժամ արագություն հավաքել:

 

 

 

Համաշխարհային օվկիանոսի ամենախորը կետում` Մարիանյան իջվածքում, գիտնականներն  հատուկ սուզանավով իրականացված ուսումնասիրությունների արդյունքում հայտնաբերել են մեդուզայի նախկինում անհայտ մի տեսակ, որն արտաքուստ այլմոլորակայինի է նման:

Ինչպես նշում է The Telegraph-ը, արտասովոր ջրային արարածը բնակվում է օվկիանոսի մակերևույթից 5 կմ խորության վրա: Այն ունի շոշափուկների 2 խումբ. մեկը` կարճ, մյուսը` երկար:

Բրիտանմական պարբերականը մանրամասնում է, որ 11 կմ խորությամբ Մարիանյան իջվածքը գտնվում է Խաղաղ օվկիանոսում` Ֆիլիպինների ու Ճապոնիայի միջև: Նման մեծ խորության պատճառով այս տեղանքը շատ քիչ է ուսումնասիրված գիտնականների կողմից: Ենթադրվում է, որ այնտեղ ապրում են այնպիսի ջրային օրգանիզմներ, որոնց գոյության մասին մարդիկ պատկերացում անգամ չունեն:

Samsung ընկերությունն առաջատար է դարձել ԱՄՆ սմարթֆոնների շուկայում՝ առաջ անցնելով Apple-ից: Այդ մասին իր հետազոտությունում հայտնել է Conterpoint Research-ը, գրում է gazeta.ru-ն: Տվյալների համաձայն՝ մարտին Samsung-ը դարձել է ԱՄՆ-ում սմարթֆոնների ամենատարածված արտադրողը և զբաղեցրել է սմարթֆոնների շուկայի 28,8 տոկոսը, մինչդեռ Apple-ը՝ 23 տոկոսը: Հետազոտողները պնդում են, որ ԱՄՆ շուկայում հաղթանակ գրանցել օգնել է Galaxy S7 սմարթֆոնի թողարկումը, որը ստացել է շատ ավելի դրական արձագանքներ, քան ընկերության նախորդ մոդելը: Երրորդ տեղը զբաղեցնում է LG ընկերությունը՝ շուկայի 17,1 տոկոսի բաժնով, չորրորդ տեղը՝ չինական ZTE արտադրողը (6,6 տոկոս), հինգերորդ տեղը՝ Alcatel-ը (4,5 տոկոս):