Արսեն Արշակյանը իր ֆեյսբուքյան էջում գրել է. Հարգելի ընկերներ, ցանկանում եմ ձեզ տեղեկացնել, որ սոց.ցանցերում հրապարակված նյութը ՝ Մարտին Մկրտչյանի վթարի ենթարկվելու վերաբերյալ, ինչպես նշված է որոշ կայքերում, իմ սանիկ Մարտին Մկրտչյանը չէ ։ Քանի որ ես նույնպես հիշատակված էի մի քանի նյութում, ուստի ցանկացա արձագանքել ։ Շուտափույթ ապաքինում եմ մաղթում վթարից տուժածներին և մեկ այլ Մարտին Մկրտչյանին անվտանգ երթևեկություն ։ Շնորհակալություն բարի և ոչ այնքան բարի արձագանքելու համար։

Հունիսի 30-ին իսպանական Պայպորտա քաղաքը պաշտոնապես ճանաչեց եւ դատապարտեց Հայոց Ցեղասպանությունը։ ԱԳՆ-ից հայտնում են, որ Քաղաքային խորհուրդը եւ նրանում ներկայացված բոլոր քաղաքական ուժերը միաձայն կողմ քվեարկեցին ներկայացված հայտագրին։ Այս քայլով Պայպորտան համալրեց շուրջ երկու տասնյակ իսպանական քաղաքների ցանկը, որոնց քաղաքապետարաններն արդեն իսկ ընդունել են նման ինստիտուցիոնալ հայտարարություններ։

Տաջիկստանում ուժի մեջ է մտել մոտ ազգականների ամուսնության արգելքը, հայտնում է «Ասիա պլյուս» գործակալությունը: «Քաղաքացիական կարգավիճակի ակտերի պետական գրանցման մասին» օրենքում փոփոխությունների համաձայն այսուհետ արգելվում են մոտ ազգականների միջեւ ամուսնությունները:Բացի դրանից մինչեւ ամուսնության գրանցումը երիտասարդները պարտադիր կերպով անցնելու են անվճար բուժզննում, հանձնելով արյուն: ԶԱԳՍ հաստատությունները այսուհետ իրավունք չեն ունենա գրանցել ամուսնությունն առանց բժշկական տեղեկանքների ներկայացման: Ուժի մեջ մտած փոփոխություններով նաեւ նախատեսվում է, որ տաջիկ աշխատանքային միգրանտները արտերկրից հայրենիք վերադառնալիս պարտադիր կերպով պետք է բուզննում անցնեն՝ ստուգելով զանազան ինֆեկցիոն հիվանդությունների առկայությունը: Օրենքի փոփոխությունները արվել են 2016-ի հունվրաի 13-ին: Մինչ այդ Տաջիկստանի առողջապահության ու սոցպաշտպանության նախարար Նուսրատուլլո Սալիմզոդան հայտնել էր, որ 2015-ի սկզբից երկրում գրանցվել է ավելի քան 30 հազար հաշմանդամ երեխա, որոնց մեծ մասը նախարարի խոսքով ծնվել է մոտ ազգականների ամուսնությունից:

Աշխարհի խոշորագույն YouTube վիդեոհոսթինգը և Facebook սոցիալական ցանցը սկսել են կիրառել ծայրահեղական տեսանյութերի ավտոմատ արգելափակման համակարգ, հաղորդել է Reuters գործակալությունը՝ հղում անելով իր աղբյուրին։

Ինչպես նշում է գործակալությունը՝ ավտոմատ համակարգը թույլ է տալիս արագ արգելափակել քարոզչական տեսանյութերը, որոնք ներբեռնվում են «Իսլամական պետություն» ահաբեկչական խմբավորման կողմից։

Այս տեխնոլոգիան ի սկզբանե մշակվել է հեղինակային իրավունքով պաշտպանված կոնտենտի հայտնաբերման և ջնջման համար։

Ըստ գործակալության՝ այդ ծրագրի մշակողները ներկայացրել են իրենց աշխատանքը խոշորագույն ընկերություններին անցած շաբաթ։

Սանկտ Պետերբուրգում հունիսի 20-ին կայացած եռակողմ հանդիպման ընթացքում կատարվել են դրական քայլեր ԼՂ հակամարտության կարգավորման ուղղությամբ, այդ թվում՝ ընդունվել է համատեղ հայտարարություն: Թվիթերյան իր էջում նման գրառում է կատարել ԵԱՀԿ Մինսկի խմբի ամերիկացի համանախագահ Ջեյմս Ուորլիքը: «Մենք պետք է աշխատենք բանակցությունների միջոցով կարգավորման ուղղությամբ»,- գրել է նա:

Ֆրանսիայում շարունակվող ֆուտբոլի Եվրոպայի 2016 թվականի առաջնության E խմբի երկրորդ խաղում հանդիպեցին Իտալիայի և Բելգիայի հավաքականները: Խաղն ավարտվել է իտալացիների հաղթանակով՝ 2:0 հաշվով: Կողմերը փորձում էին խաղի հաշիվը բացել հեռահար հարվածներով: 32-րդ րոպեին Իտալիայի հավաքականի պաշտպան Լեոնարդո Բոնուչին փայլուն փոխանցում կատարեց Էմանուելե Ջակերինիին: Վերջինս գրավեց դարպասը` մեն-մենակ դուրս գալով Բելգիայի հավաքականի դարպասապահ Տիբո Կուրտուայի դեմ: Իսկ Գրացիանո Պելեն ավելացված ժամանակում կրկնապատկեց հաշվի տարբերությունը: Այսպիսով՝ Իտալիայի հավաքականը վաստակած 3 միավորով գլխավորում է E խմբի աղյուսակը: Շվեդիայի և Իռլանդիայի ընտրանիները 1-ական միավորով կիսում են 2-3-րդ տեղերը:

Եվրոպայի առաջնության խմբային փուլի երկրորդ տուրում գործող չեմպիոն Իսպանիայի հավաքականը վստահ հաղթանակ տոնեց Թուրքիայի ընտրանու նկատմամբ։ Նիցայի «Ալյանց Ռիվերիա» մարզադաշտում կայացած հանդիպումն անցավ Վիսենտե դել Բոսկեի սաների ահռելի առավելությամբ։ Առաջին խաղակեսում իսպանացիները Վոլկան Բաբաջանի դարպասի ուղղությամբ 10 հարված կատարեցին (ամբողջ խաղի ընթացքում՝ 18) և 2 գոլ խփեցին․ 34-րդ րոպեին Նոլիտոյի փոխանցումից հետո հաշիվը բացեց Ալվարո Մորատան, իսկ 3 րոպե անց գոլի հեղինակ դարձավ արդեն Նոլիտոն։ Երկրորդ խաղակեսի մեկնարկում՝ 48-րդ րոպեին, Անդրես Ինյեստա – Ժորդի Ալբա – Ալվարո Մորատա համագործակցության արդյունքում Մորատան դուբլ ձևակերպեց։ Հանդիպման մնացած ժամանակահատվածում հաշվի մեջ նոր փոփոխություններ չարձանագրվեցին։ Այժմ Իսպանիան ունի 6 միավոր և ապահովել է իր տեղը փլեյ-օֆֆ փուլում, Թուրքիան դեռ միավոր չի վաստակել։ Խորվաթիան 4 միավորով զբաղեցնում է D խմբի մրցաշարային աղյուսակի երկրորդ հորիզոնականը, իսկ Չեխիան 1 միավորով երրորդն է։ Խմբային փուլի վերջին տուրում Իսպանիան մրցելու է Խորվաթիայի հետ, Թուրքիան՝ Չեխիայի։ Եվրո-2016, խմբային փուլ, երկրորդ տուր, D խումբ Իսպանիա – Թուրքիա՝ 3։0 Գոլերը՝ Մորատա 34′, 48′, Նոլիտո 37:

Փարիզի Սեն Դենի արվարձանի «Ստադ Դե Ֆրանս» մարզադաշտում տեղի է ունեցել Եվրոպայի 2016 թվականի առաջնության C խմբի Գերմանիա - Լեհաստան հանդիպումը։ Համառ պայքար ծավալաց այս խաղն ավարտվել է գոլազուրկ ոչ-ոքիով։ Ի դեպ, սա Եվրո-2016-ի առաջին գոլազուրկ ոչ-ոքին էր։

Ուզբեկստանը ժամանակավոր փակել է Ղրղզստանի, Տաջիկստանի, Ղազախստանի և Թուրքմենստանի հետ սահմանը: Այն փակ է լինելու հունիսի 15-ից 25-ը՝ Շանհայի համագործակցության կազմակերպության գագաթնաժողովի օրերին: Այս մասին հաղորդում է Ինտերֆաքսը: Գործակալության աղբյուրը չի նշել, թե ինչով է պայմանավորված Ուզբեկստանի որոշումը: ՇՀԿ գագաթնաժողովի օրերին անվտանգության միջոցառումներն ուժեղացվելու են: Մայրաքաղաք Տաշքենդի մի շարք փողոցներում երթևեկությունը սահմանափակվելու է:

Րոպեներ առաջ Բորդոյի «Մաթմութ Աթլանտիկ» մարզադաշտում ավարտվեց Եվրոպայի 2016 թվականի առաջնության F խմբի Ավստրիա – Հունգարիա հանդիպումը։ Պուշկաշի արժանի սերունդը հաղթանակ տոնեց 2։0 հաշվով։ Հանդիպման 62-րդ րոպեին հունգարացիների կազմում գոլի հեղինակ դարձավ Ադամ Սալաին, իսկ 87-րդ րոպեին Հունգարիայի առավելությունը կրկնապատկեց Զոլտան Շտիբերը։